Kandidati për kryeministër nga koalicioni Nisma-AKR-PD, njëherësh zëvendëskryeministër në detyrë, Fatmir Limaj po thotë në emisionin “Rubikon” të KTV-së se qytetarët më shumë duhet që të përqendrohen te kandidatët dhe jo te subjektet politike.
“Vetë kandidimi për mua është një nder i madh. Me shpalosjen e programit tim, si kryeministër i Republikës së Kosovës, do ta zbatoj në praktikë. Do të shpërfaq gjithë ato që di dhe që mundem. Vetë kandidatura është një vlerësim i madh. Kryeministri i ardhshëm duhet të jetë njeriu, që qytetarët duhet t’ia japin vlerësimin maksimal”, u shpreh ai.
Sipas Limajt është obligim që pesë kandidatët të ballafaqohen dhe të zhvillojnë debate televizive, shkruan Gazeta Mejdani.
Disa nga temat që kandidatët duhet t’i kenë parasysh janë taksa, infrastruktura etj.
Ai theksoi se Kosova ka nevojë për një kryeministër që ka sensin e kompromisit, që ka respekt për institucionin, që ka respekt për opozitën, nuk mashtron, nuk e takon sa për t’u takuar, që ka ide të ndryshme e të qarta./Gazeta Mejdani/
Discussion about this post