Vendimi përfundimtar për regjimin pa viza për Kosovë edhe më tej është në duart e Këshillit të BE-së ku për këtë temë nuk është biseduar prej vitit 2018, shkruan agjencia serbe e lajmeve Tanjug.
Më herët është transmetuar lajmi se Këshilli për Liritë Qytetare dhe Drejtësi i Punëve të Brendshme të Parlamentit Evropian (LIBE) në takimin në Bruksel përsëri e ka përkrahur liberalizimin e vizave për qytetarët e Kosovës.
Votimi i sërishëm në këshillin LIBE, e në bazë të raportit të raportueses për liberalizimin e vizave Tanja Fajon, vetëm që është konfirmim të përkrahjes të cilën Parlamenti Evropian disa herë gjatë viteve 2018 dhe 2019 i ka dhënë rekomandimit të Komisionit Evropian për heqjen e vizave për banorët e Kosovës.
Komisioni Evropian në qershor 2018 ka publikuar se Kosova i ka plotësuar të gjitha kushtet dhe i ka propozuar Bashkimit Evropian ta liberalizon regjimin e vizave për Kosovën. Përkundër rekomandimit të Komisionit Evropian dhe përkrahjes së Parlamentit Evropian, anëtaret e BE edhe më tutje nuk kanë arritur marrëveshje për këtë çështje.
Në Komisioni Evropian për Tanjug thonë se “nuk ka të reja kur është pyetja për regjimin pa viza për Kosovën” dhe përkujtojnë se vendimi përfundimtar për këtë i takon anëtareve të BE.
Për ta fituar Kosova regjimin pa viza për Shengen, duhet ta fitojë përkrahjen e shumicës kualitative në Këshillin e Bashkimit Evropian (më shumë se 55 për qind të anëtareve me së paku 65 për qind të popullatës).
Përveç vendeve që nuk e kanë njohur pavarësinë e Kosovës, liberalizimin e vizave për Kosovën po e kundërshtojnë edhe Franca dhe Holanda.
