Kryetari i Partisë Demokratike të Kosovës njëherit edhe kandidati për Kyeministër në zgjedhjet e parakohshme 2019, Kadri Veseli i ka ftuar të gjithë t’i bashkohen në vizionin e tij për ekonomi të dijes dhe inovacionit , në kuadër të planit të tij kundër korrupsionit.
Në postimin e tij në Facebook, Veseli ka premtuar se nëse zgjedhet si Kryeministër do t’i kushtojë vëmendje të vencantë rritjes së cilësisë së kapitalit njerëzor dhe përshtatjes sa më të mirë me kërkesat e tregut të punës. Ndër të tjera lideri i PDK-së ka premtuar gjithashtu se do të investojë më shumë në arsim, shkencë e inovacion.
Postimi i plotë:
Në mandatin e ardhshëm do t’i kushtoj vëmendje të veçantë rritjes së cilësisë së kapitalit tonë njerëzor dhe përshtatjes sa më të mirë me kërkesat e tregut të punës. Do të investoj më shumë në arsim, shkencë e inovacion, në mënyrë që të rinjtë tanë të bëhen më të zotë për veten. Vetëm kështu burimet tona njerëzore do të jenë më konkurruese në tregun ndërkombëtar të punës, duke u bërë më tërheqëse për investitorë të huaj.
Ju ftoj të më bashkoheni në vizionin tim për ekonomi të dijes dhe inovacionit. Shpërndajeni! #PDK112/Gazeta Mejdani/
