Kryetari i Partisë Demokratike të Kosovës (PDK), Kadri Veseli, ka folur për Qeverinë e re dhe për kryeministrin Avdullah Hoti, ku ka thënë se nuk pret asgjë të re nga kjo qeveri dhe shumë shpejtë sipas tij do të kolapsojë.
Kryetari i PDK’së, Kadri Veseli, ka thënë se kryeministri Avdullah Hoti është vazhdimësi e Albin Kurtit dhe është në atë projekt të njëjtë që kanë qenë në koalicion, projektin e quajtur shpresë.
”Avdullah Hoti është zëvendësuesi i Albin Kurtit. Është futur në projekt që e ka quajtur shpresë. Në qeverinë me VV’në, nuk kanë ofruar diçka që ndryshon situatën socio-ekonomike tash në këtë kohë të pandemisë”, ka thënë Veseli në Klan Kosova.
Ish-kryetari i Kuvendit të Kosovës ka thënë se nuk ka shpresë fare te kjo parti dhe se shumë shpejtë do të vije.
”Kam shpresa të vogla tek kjo qeveri. Kjo qeveri do të kolapsojë shumë shpejtë, do të jetë shumë e shkurtë dhe PDK kërkon që vendi të shkojë sa më shpejtë në zgjedhje. Legjitimiteti duhet të fitohet nga qytetarët”, ka thënë ai.
Tutje Veseli ka thënë se ish-koalicioni VV-LDK kanë shfrytëzuar çdo mangësi dhe kanë bërë disa gabime.
”LDK VV kanë shfrytëzuar çdo mangësi duke vënë theksin e kritikave dhe akuzave. Këto dyja nuk kanë pasur gatishmëri për të bërë asgjë. Mos dërgo njerëz partiak nëpër borde, mos bën gabime si të tjerët”, është shprehur ai.
Në fund Veseli ka thënë që ai si lider i partisë ka vendosur standarde brenda saj dhe ka larguar anëtarë me aktakuza.
