Sot shënohet 21 vjetori i masakrës së Reçakut.
Në këtë masakër u vranë e u masakruan 45 shqiptarë të pafajshëm nga forcat serbe.
Lajmi.net ka realizuar një reportazh me rrëfime nga Reçaku, për vrasjen makabre të shqiptarëve nga paramilitarët serb.
Mina Beqiri ka rrëfyer se si serbët ia vranë burrin dhe dy djemtë, 15 e 12 vjeç.
“Dhimbjen qashtu e kam. M’doket që përpara i shoh. Zemra e nanës. Oj nanë thojke, kur e mytën burrin dhe kusherinin e burrit, thojke oj nanë mos e qo kryet. Mas 5 minutave e kanë vra, kur kam shku hala i nxehtë ish kanë”, thotë Mina Beqiri teksa rrëfen për vrasjen e djalit të saj 12 vjeç.
