Egjipti është vërshuar nga protestat anti-qeveritare, ku po kërkohet dorëheqja e presidentit Abdel Fattah el-Sisi.
Qendra për të Drejtat Ekonomike dhe Sociale e Egjiptit, tha më 21 shtator se 21 persona janë arrestuar, duke përfshirë 2 gazetarë, por nuk është raportuar për ndonjë incident.
Shumë nga rrugët ku u mblodhën protestuesit u pastruan shpejtë nga policia me anë të gazit lotsjellës.
Sisi, ish-gjeneral i ushtrisë, kishte qenë kundërshtar i madh i opozitës duke heshtur kritikuesit dhe burgosur mijëra prej tyre, përcjell REL.
Qeveria e tij kishte miratuar ligje që i bëjnë të paligjshme të gjitha demonstratat publike.
Qindra demonstrues marshuan të shtunën në Kairo, afër sheshit Tahrir, vendi që i dha fund regjimit të liderit Hosni Mubarak më 2011.
Agjencia AFP raportoi se të paktën 74 persona janë arrestuar. Monitoruesit e të drejtave të njeriut kanë bërë thirrje për mbrojtjen e së drejtës për protesta paqësore. /Gazeta Mejdani/
