Senatori amerikan, Chris Murphy i cili së bashku me senatorin tjetër, Ron Johnson kanë vizituar Kosovën dhe Serbinë, ka shkruar në lidhje me vizitën e tij.
Ai ka shkruar impresionet e tij për Kosovën, madje ka përmendur edhe shtalbat të cilët shiten nëpër sheshet e Prishtinës.
Ndër të tjera, Murphy ka folur edhe rreth rëndësisë që ka Kosova për Shtetet e Bashkuara të Amerikës, duke shtuar se liderët në Serbi e dinë se duhet ta njohin Kosovën.
Murphy gjithashtu ka folur rreth takimit me liderët kosovarë dhe ata serbë në Prishtinë dhe në Beograd.
Ai ka thënë se Serbia është e gatshme t’i kthehet tavolinës së dialogut pas heqjes së tarifës dhe kështu të arrihet marrëveshja finale gjithëpërfshirëse.
Lajmi.net ka përkthyer shkrimin në blogun e tij që mund ta lexoni më poshtë:
Kosova është një vend i vogël, afërsisht me madhësinë e Connecticut por me gjysmën e popullsisë. Atëherë, pse më intereson kaq shumë? Pse do të vendosnin dy senatorë amerikanë të vinin këtu? Epo, siç thonë ata, luftërat fillojnë në Ballkan dhe paqja e brishtë midis serbëve dhe shqiptarëve është pikërisht ajo, e brishtë. Pra, gjatë viteve të kaluara pasi Shtëpitë e Bardha Demokratike dhe ato Republikane janë përqendruar në pikat e nxehta të kapjes, si Siria dhe Afganistani, të dy, unë dhe Johnson jemi interesuar të angazhohemi në diplomaci për të vazhduar shërimin e plagëve të Luftrave të Ballkanit të viteve 1990 – 2000.
