Reagimet e shumta ndaj skandalit të ambasadorit të Kosovës në Francë, Qëndrim Gashi, nuk kanë të ndalur. Ato kanë marrë përmasa të papara deri më tani, shkruan Gazeta Mejdani.
Fyerja që i bënë ambasadori Qëndrim Gashi, Muhamedit a.s., ka prekur në shpirt miliona shqiptarë. Gjithandej është krijuar pezmë dhe revoltë. E këto revolta, shqiptarët po i shprehin nëpërmes rrjeteve sociale.
Sot ka reaguar edhe kryetari i Partisë “Fjala”, Dr. Gëzim Kelmendi.
Sipas Dr. Kelmendit, diplomati kosovari në Paris nuk meriton vetëm të shkarkohet por duhet edhe një hap më tutje, transmeton Gazeta Mejdani.
Për më tepër, thotë ai: “Ambasadori i Kosovës në Francë Qëndrim Gashi duhet menjëherë të shkarkohet dhe të arrestohet për nxitje të urrejtjes ndërfetare”, ka shkruar ai.
Postim i plotë:
Fyerja e Pejgamberit Muhamed Alejhiselatu ue selam përmes karrikaturave nga ana e ambasadorit të Kosovës në Francë Qëndrim Gashit, është vepër penale dhe e dënuar në bazë të Kodit Penal të Republikës së Kosovës.
Fyerja e Pejgamberit Muhamed Alejhiselatu ue selam është fyerje edhe e popullit të Kosovës që është rreth 96% musliman.
Ambasadori i Kosovën në Francë Qëndrim Gashi duhet ta dijë mirë se ai paguhet nga populli i Kosovës, dhe kjo vepër e tij është shumë e ulët dhe e pamoralshme.
Ambasadori i Kosovës në Francë Qëndrim Gashi duhet menjëherë të shkarkohet dhe të arrestohet për nxitje të urrejtjes ndërfetare.
Nxitja e urrejtjes ndërfetare është vepër e dënuar me Kodin Penal të Republikës së Kosovës.
Nëse heshtë qeveria Hoti, nuk duhet të heshtë prokuroria!
Gëzim Kelmendi.
/Gazeta Mejdani/
