Policia e ka konfirmuar për Metron vrasjen e një gruaje nga burri i saj në Prishtinë.
Zëdhënësja e Policisë së Kosovës, për rajonin e Prishtinës, Flora Ahmeti, tha për Metron se ngjarja ka ndodhur sot rreth orës 04:40.
Ahmeti tha se vrasja ka ndodhur në rrugën ‘Mark Isaku’ në kryeqytet.
“Dërgohet në mbajtje një person i dyshuar për vrasje të rëndë Sot rreth orës 04:40 kemi pranuar informatën për një trup të pa jetë në një shtëpi në rrugën “Mark Isaku” në Prishtinë. Bazuar në hetimin preliminar si dhe ekzaminimin e vendit të ngjarjes me urdhër të prokurorit të shtetit, rasti është cilësuar vrasje e rëndë. Lidhur me rastin është vetëdorzuar një person i dyshuar: I. G, mashkull 70 vjeç”, tha ajo për Metron.
Personi i dyshuar me urdhër të prokurorit të shtetit, është intervistuar dhe i njëjti është dërguar në qendrën e ndalimit, ndërkohë që trupi i pajetë i viktimës, femër 63 vjeç, është dërguar në Institutin e Mjekësisë Ligjore për obduksion.
