Kosova tashmë ka arritur t’i formojë institucionet e saj pas gati 4 muajsh nga zgjedhjet e përgjithshme të 6 tetorit.
Marrëveshja e arritur mes Lidhjes Demokratike të Kosovës dhe Lëvizjes Vetëvendosje, ka bërë që Albin Kurti të bëhet kryeministër i vendit.
Ky i fundit ka filluar punën si kryeministër edhe tashmë ai është në ditën e 11 të qeverisjes. Kryeministri Kurti po merr pjesë në një samit në Berlin ku edhe pati ballafaqimin e parë me presidentin serb, Aleksandar Vuçiq.
Vuçiq u acarua shumë kur Kurti tha se Serbia duhet të çlirohet nga Kosova.
Ndërkaq kryeministri Albin Kurti në një intervistë dhënë për Deutsche Welle, ka folur për formimin e qeverisë dhe programin e saj qeverisës.
Mirëpo këtu Kurti përmend edhe zvogëlimin e ministrive, ndër të tjera ai thotë se qeveria e tij i ka formuar vetëm 16 ministri ndonëse zyrtarisht janë 15.
Nuk dihet nëse këtu kryeministri Kurti ka bërë ndonjë “huqje”, apo me të vërtet do të shtohet edhe një ministri.
Për më shumë dëgjojeni intervistën nga minuta 4:30
