Vlerësimi i programit të vaksinimit ndaj HPV (Papiloma virus) në Universitetin British Columbia u krye bashkarisht nga studiues të “B.C. Cancer”, Qendra për Kontrollin e Sëmundjeve të B.C.
Spitali i Grave + Qendra Shëndetësore B.C. dhe Universiteti i British Columbia dhe vë theksin tek suksesi i programit në reduktimin e pre – kancereve.
Pre – kanceri i referohet rritjes anormale të qelizave në qafën e mitrës, zbuluar më shpesh gjatë Pap testeve rutinë. Nëse nuk trajtohet, pre – kanceri mund të kthehen në kancer të qafës së mitres.
Studimi zbuloi se grate e B.C. që ishin vaksinuar ndaj HPV që në klasë të gjashtë kishin një reduktim të incidencës së qelizave pre – kanceroze të qafës së mitrës prej 57% krahasuar me gratë e pavaksinuara.
“Jemi të emocionuar nga këto gjetje fillestare”, u shpreh Dr. Gina Ogilvie, këshilltare e lartë e studimeve pranë Spitalit të Grave + Qendrës Shëndetësore B.C. dhe pedagoge në shkollën e popullsisë dhe shëndetit publik U.B.C. “ Ky studim kontribuon në numrin në rritje të provave që tregojnë impaktin pozitiv që kanë vaksinimi ndaj HPV dhe vizitat e rregullta mjekësore për kontrollin e qafës së mitrës në parandalimin e kancerit të qafës së mitrës. Dhe me rritjen e marrjes së vaksinave, ne presim një ulje të mëtejshme të shkallës së kancerit të mitrës”.
HPV është identifikuar si shkaku i pothuajse të gjitha kancereve të qafës së mitrës.
Në vitin 2008 B.C. implementoi një program imunizimi vullnetar, të financuar publikisht nëpër shkolla. Njëmbëdhjetë vite më vonë, grupet e para të vaksinuara nëpërmjet këtij programi janë rritur dhe janë përfshirë në Programin e Depistimit të Kancerit të Qafës së Mitrës. Duke lidhur Programin e Depistimit të Kancerit të Qafës së Mitrës me regjistrat e vaksinimit, studiuesit ishin në gjendje të krahasonin rezultatet mes grave që ishin vaksinuar dhe atyre që nuk ishin vaksinuar.
Infeksioni nga HPV është më i përhapuri në infeksionet nëpërmjet trasmetimit seksual dhe mund të prekë si meshkujt ashtu edhe femrat. Kështu, për të trasmetuar këtë infeksion është e mjaftueshme një kontakt i thjeshtë në zonën gjenitale (edhe raport seksual jo i plotë). Shumica e njerëzve do të preken nga HPV në një pike të jetës së tyre prandaj është e rëndësishme vaksinimi para se të jemi seksualisht aktivë.
/Gazeta Mejdani/
Discussion about this post