Plaçkitje spektakolare: Me eksploziv e thyejnë derën e bankës TEB në Suharekë!

Disa persona kanë tentuar që të plaçkitin filialin e bankës TEB në Suharekë.

Rasti ka ndodhur mëngjesin e ditës së sotme, ku të dyshuarit kishin përdorur eksploziv për ta thyer derën e TEB-it.

Këtë e ka konfirmuar për lajmi.net zëdhënësi i Policisë së Kosovës për rajonin e Prizrenit, Shaban Osmanollaj.

“Rreth orës 3:45 të mëngjesit të sotëm është dëmtuar dera hyrëse e bankës TEB, d.m.th kanë tentuar që të plaçkitin por, sipas informatave që kemi nga zyrtarët e bankës nuk kanë arritur që të marrin asgje”, ka thënë Osmanollaj./Gazeta Mejdani/