“Spanja dhe Italia ishin shumë mirënjohëse për këtë ndihmë. Unë nuk jam në dijeni nëse Turqia ka ndihmuar apo jo ndonjë vend tjetër , por nuk do të çuditesha edhe nëse e ka bërë, pasi Turqia është një vend mjaft bujar”,- tha një zyrtar i Pentagonit.
“Ne e vlerësojmë me admirim ndihmën me materiale mjekësore që Turqia u dërgoi Spanjës dhe Italisë në kuadër të luftës me koronavirusin e ri (Covid-19)”,- tha zëvendës nënsekretari i Departamentit amerikan të Mbrojtjes (Pentagonit) përgjegjës për NATO-n dhe Evropën, Michael Ryan, në një konferencë shtypi që ai mbajti me telekonferencë në Departamentin e Mbrojtjes.
“Rusia dhe Kina po keqinformojnë opinionin për pandeminë e koronavirusit në vendet e NATO-s”, shtoi ai.
“Kemi të bëjmë me një bashkëpunim të rëndësishëm midis vendeve të NATO-s në luftën me pandeminë”,- sqaroi Ryan, i cili vlerësoi edhe ndihmën mjekësore të dhënë nga Turqia për Italinë dhe Spanjën në përgjigje të një pyetjeje lidhur me këtë çështje.
“Spanja dhe Italia ishin shumë mirënjohëse për këtë ndihmë. Unë nuk jam në dijeni nëse Turqia ka ndihmuar apo jo ndonjë vend tjetër (në Evropë), por nuk do të çuditesha edhe nëse e ka bërë, pasi Turqia është një vend mjaft bujar”,- tha zyrtari i Pentagonit.
Turqia dërgoi me avion ushtarak kargo në Spanjë dhe Itali me mijëra materiale ndihmëse mjekësore si: maska, veshje për mbrojtje personale, lëngje antibakteriale të prodhuara të gjitha në vend dhe me mundësi kombëtare në fabrikat rrobaqepësitë ushtarake të Ministrisë së Mbrojtjes Kombëtare dhe në Ndërmarrjen e Makinerive dhe Industrisë Kimike.
