E kam dëgjuar dje me shumë vëmendje deklaratën e presidentit të Ukrainës dhe jam munduar t’i kuptoj mesrreshtat e përgjigjeve që u jipte gazetarëve.
Shkruan: Mustafë Bajrami
Nëse nuk ka qenë ndonjë paraqitje në stilin e diplomatëve sa për ta mashtruar Rusinë, Zelenksiy dje veç sa nuk e shpalli kapitullimin e Ukrainës. Ai pranoi botërisht se Ukraina nuk ka fuqi të luftojë kundër Rusisë, nuk ka armatim, nuk i janë dërguar ndihma, dhe, ndjehej i zhgënjyer tejmase për gjithçka rreth tij dhe vendit të tij. Ai në një moment e luste haptas Putinin ta pranojë në bisedime, ku, me buzë në vaj i shprehte dhimbjen për vrasjen e fëmijëve dhe shkatërrimin total të vendit të tij.
Pas dy orë në Moskë Putin iu përgjigj Zelinskit duke e quajtur nazist, sikur edhe regjimin e Ukrainës. Përtej kësaj, Putini në mënyrën e tij kërcënoi serish duke thënë se asgjë dhe askush nuk mund ta na ndalë Rusinë derisa t’i realizojë objektivat e parapara.
Folur në përgjithësi, Putini ka tri objektiva: 1) marrjen nën kontrollë të Detit të Zi e sidomos brigjet veriore të tij ku janë portet e një rëndësie tejet të madhe strategjike, 2) ndryshimin e hartës gjeografike fillimisht të rajont e pastaj më gjerë, dhe, 3) shpërbërjen ose ristrukturimin organizativ të OKB-së.
Se sa do të arrijë ariu rus t’i realizoj këto objektiva, varet shumë prej dy faktorëve: 2) prej fuqisë së NATO-s për ta ndalur Rusinë, dhe 2) prej asaj se sa është në interesin e vendeve perëndimore të zhyten në një konflikt të gjatë me Rusinë.
Personalisht mendoj se bota është në rrezik nga ekspansioni rus si dhe nga rritja e fuqisë së Kinës. Bile kjo e dyta në staza të gjata mund të jetë më e rrezikshme se e para. Sepse bota një herë e ka provuar fuqinë shkatërrimtare të “racës kineze”. Atëherë kur hordhitë barbare mongole shkatërruan çdo gjë që u dilte përpara dhe krijuan një shtet me sipërfaqe prej 40 milion kilometra katërorë. Dmth, shteti më i madh ndonjëherë në histori, dhe pushteti më gjakatarë që ka njohur njerëzimi…!