Njëri prej të plagosurve te ‘Mati’ është në gjendje të rëndë, po lufton me jetën!

Ngjarja e ‘Matit’, apo tek Lagjja e Spitalit ku humbën jetën dy dhe dy të tjerë u plagosën, kishte bërë bujë në gjithë Kosovën. Një vrasje makabre kishte ndodhë atë ditë në Prishtinë, shkruan Gazeta Mejdani.

Atë ditë, dy persona vdiqen, e tani njëri nga të plagosurit e rastit që ndodhi ditë më parë te ‘Lagja e Spitalit’ është në rrezik për jetën.

Ai është në gjendje të rëndë shëndetësore dhe po vazhdon të mbahet në Klinikën Intensive në QKUK.

Shefi i Klinikës Intensive, Shaqir Uka, tha se i plagosuri tjetër është dërguar për trajtim të mëtejmë mjekësor në repartin e Kirurgjisë Vaskulare për shkak se gjendja e tij është përmirësuar.

Uka tha se pacienti me gjendje të rëndë shëndetësore është në mjekim intensiv.

Në këtë ngjarje që ndodhi të enjten në “Lagjen e Spitalit” kanë vdekur dy persona, kurse Prokuroria Themelore në Prishtinë ka njoftuar se me urdhër të prokurorit kujdestar, janë ndaluar për 48 orë, personat me inicialet N.M, M.M, dhe F.R./Gazeta Mejdani/