Ministrja e Punëve të Jashtme dhe Diasporës në Kosovë, Meliza Haradinaj-Stublla, ka thënë përmes një postimi në rrjetin social “Twitter” se më 23 korrik i ka nisur letër zyrtare shefit të kompanisë amerikane “Apple”, Tim Cook, për të përfshirë kufijtë e Kosovës në shërbimet për harta të kësaj kompanie.
“Shërbimet për harta të ‘Apple’-s nuk i shfaqin kufijtë e Kosovës të njohur ndërkombëtarisht. Në vend të kësaj Republika e Kosovës shfaqet si pjesë e Serbisë. Kjo gjë është në kundërshtim me realitetin politik dhe atë ligjor. Kjo gjë lëndon qytetarët tanë që janë përballur me humbje të mëdha në përpjekjet për pavarësi. Kjo gjë shihet edhe si fyerje ndaj shtetit tonë”, ka thënë ajo përmes letrës.
Ky peticion aktualisht ka mbi 13.000 nënshkrues.
Peticioni i dytë, i cili ka rreth 93.000 nënshkrime, thotë se është shqetësuese që Kosova nuk tregohet në hartat e “Apple”-s.
“Kufijtë e saj mezi shihen dhe më e keqja është se tregohet si pjesë e Serbisë. Kjo duhet ndryshuar sa më shpejt që të jetë e mundur, sepse Kosova është një vend i pavarur që nga viti 2008”, thuhet në peticion.
Aktualisht kufijtë e Kosovës në hartën e kësaj kompanie janë vizatuar me ngjyrë të kuqe të zbehtë, ndryshe nga vendet e tjera, që ndahen me një ngjyrë të ndritshme dhe me një linjë të trashë.
