Sekretari i shtetit në SHBA, Mike Pompeo, ka dalë hapur në mbështetje të futbollistit turk me shtetësi gjermane, Mesut Ozil, në deklaratat e këtij të fundit për persekutimin që po i bëhet myslimanëve në Kinë.
Javën e kaluar Ozil quajti Ujgurët, komunitetin mysliman në Kinë, luftëtarë që po i rezistojnë persekutimit nga Kina. Ai po ashtu reagoi ndaj botës myslimane që po hesht ndaj këtij persekutimi.
Kina ndërkohë morri masa dhe nuk lejoi transmetimin e ndeshjes së Arsenal, që është klubi i Ozilit, në Kinë.
Arsenali u distancua nga komentet e Ozil, por morri reagime të shumta nga fytyra të njohura për veprimin e tyre nga njerëzit të njohur që pretendonin se klubi po vendos përfitimet financiare para humanitetit.
Mike Pompeo deklaroi se Kina mund të cenzuroj lojërat e futbollit por nuk mund të fshehë shkeljet e të drejtave njerëzore.
Kombet e Bashkuara dhe grupet e të drejtave të njeriut vlerësojnë se diku rreth 2 milionë persona, shumica e të cilëve Ujgurë, mbahen në kushte çnjerëzore në burgje të Xinjiang si pjesë e asaj që Kina e quan kampanjë antiterror.
Kina vazhdimisht mohon keqtrajtimin e njerëzve.
Discussion about this post