Kryetari i Komunës Xhafer Gashi, ka mirëpritur sot ambasadorin e OSBE-së në Kosovë, z.Jan Braathu.Vizita e Ambasadorit z.Braathu ka filluar në shkollën fillore në Palaj, nga ku është bërë mbjellja e drunjeve një aksion simbolik në mbrojtjen e ambientit dhe pikërisht në shkollën e cila shërben si shembull i multietnive.
Në takimin e zhvilluar në ambientin e komunës, Kryetari Xhafer Gashi ka njoftuar Ambasadorin Braathu për zhvillimin e projekteve, dinamikën dhe sfidat që Komuna e Obiliqit ka tani me rritjen e buxhetit, për trajtimin e barabartë të qytetatëve pa dallim etnie, në të njejtën kohe ka falenderuar Ambasadorin Jan Braathu për vizitën,bashkëpunimin dhe mbështetjen bërë Komunës së Obiliqit, nga ku ka theksuar: “Ambasador Braathu ju do vazhdoni të mbetni përjetësisht miku im dhe i gjithë qytetarëve të Komunës së Obiliqit”.
Në anën tjeter, Ambasadori Braathu ka përgëzuar Kryetarin Gashi për përkushtimin dhe angazhimin e tij në krijimin e një mirëqenie më të mirë për qytetarët e Obiliqit dhe kontributin e tij në krijimin e një atmosfere të përshtatshme për gjithë qytetarët pa dallim etnie.
Nga ky takim, të dy palët u dakorduan për bashkëpunim dhe kordinim të vazhdueshem të planeve e projekteve për qytetarët.
Aktiviteti i sotëm u përmbyll në takim me të rinjët e Qendrës Rinore në Obiliq, Qendër kjo shembull për punën dhe përkushtimin me aktivitete për të rinjët e Obiliqit.
