
Shikuar në aktivitetin e tij në këtë kohë parazgjedhore, Ministri i Mbrojtjes, dikur komandant i Koshares, Rrustem Berisha, është ndër të rrallët kandidatë nga të gjitha partitë politike në vend që pritet me kaq shumë entuziazëm nga qytetarët e këtij vendi, shkruan Gazeta Mejdani.
Të flasësh për një njeri, të cilin historia shqiptare do ta mbajë mend si Ministri i Parë i Mbrojtjes në Republikën e Kosovës, është punë e rëndë, e në të njëjtën kohë, edhe e lehtë. E lehtë, sepse ka për çka të flitet, por shumë rëndë, sepse do të detyrohesh të përzgjedhësh e të reduktosh shumë nga ajo gamë e sukseseve të një personaliteti siç është Rrustem Berisha.

Nuk është rastësi që në kohën e tij FSK-ja u shndërrua në Ushtri. Është pikërisht aktiviteti i tij i palodhshëm së bashku me Kryeministrin Ramush Haradinaj që e bënë Kosovën me ushtri të saj. Për pubikun janë të njohura përpjekjet e ish-Komandantit të Koshares që kjo fitore e madhe të arrihet pikërisht përgjatë mandatit të tij.

Ditë më parë është betuar edhe gjenerata e parë e kadetëve të FSK-së me mandat ushtarak. Vajza dhe djem të përzgjedhur u betuan se do ta nderojnë uniformën e Ushtrisë së Kosovës dhe do ta mbrojnë sovranitetin dhe integritetin territorial të atdheut.
“Si Ministër i Mbrojtjes në detyrë, jam krenar me vajzat dhe djemtë tanë ushtarë, nënoficerë dhe oficerë, të cilët me sukseset e tyre në shkollat dhe trajnimet e përfunduara në akademi të ndryshme të vendeve të NATO-s, kanë treguar performancë të shkëlqyer dhe kanë përfaqësuar me nder FSK-në, ka thënë Ministri i Mbrojtjes, Rrustem Berisha.

Së këndejmi, mund të thuhet lirshëm se qytetarët e Kosovës do ta votojnë prapë Rrustem Berishën për deputet në Parlamentin e Kosovës. Sikur që, duke u bazuar në përvojën e tij ushtarake profesionale si komandant i pathyeshëm në betejën e Koshares, dhe si njeri profesional në fushat e mbrojtjes dhe sigurisë, ai do të jetë edhe për një mandat Ministër i Mbrojtjes në Qeverinë e ardhshme të Kosovës.


Discussion about this post