Kolegji AAB është në rrugë të mbarë të mbetet edhe më tutje fenar i vërtetë dhe i pazëvendësueshëm i diturisë dhe arsimimit në Kosovë. I hapur në shumë fusha dhe i përpikët në programet e veta, AAB-ja po tregon se punën dhe suksesin i ka edhe dije, edhe pasion, shkruan Gazeta Mejdani.
Kështu, pas suksesit të madh në edicionin e parë, Kolegji AAB ka vendosur që të organizoj edicionin e dytë të Panairit Vjeshtor të librit.
Duke filluar nga 9 tetori e deri me 12 tetor, në ambientet e AAB-së do të marrin pjesë shtëpitë botuese më të mëdha e më të sukseshme nga Kosova, Shqipëria, Maqedonia e Veriut dhe shumë vende të Evropës.
Ndryshe ky panair tashmë vlerësohet si festë e librit në Kolegjin AAB, me ç’rast pritet që të shënohet në mënyrën më të mirë të mundshme, duke përfshirë edhe promovime të librave, takime me shkrimtarë, punëtori e orë letrare.
Ju kujtojmë se edicioni i parë ishte i organizuar në nivelin më të lartë të mundshëm, duke tërhequr vëmendjen e pjesëmarrësve, mbase edicioni i dytë pritet t’i tejkaloj pritshmëritë në organizim.
Siç shkruan 04 online, kolegji AAB, institucioni më i madh jopublik në rajonin e Evropës Juglindore, organizon për herë të dytë Panairin Vjeshtor të Librit AAB 2019.
Nga data 09 deri më 12 tetor 2019, në ambientet moderne të Kolegjit AAB, shtëpi botuese prestigjioze nga Kosova, Shqipëria, Maqedonia e Veriut e vende të tjera të rajonit do të ekspozojnë botimet e tyre më të reja para lexuesve e dashamirëve të librit.
Festa e librit në kolegjin AAB, do të shënohet me ngjarje të larmishme kulturore si promovime librash, takime me shkrimtarë të njohur, punëtori e orë letrare.
Meqenëse Kolegji AAB është në fazën e përgatitjeve intensive për organizimin dhe mbajtjen e panairit, u bën thirrje për pjesëmarrje të gjitha shtëpive botuese të interesuara.
Shtëpitë botuese, pjesëmarrjen e tyre duhet ta konfirmojnë më së largu deri më 26 shtator 2019, duke plotësuar formularin e bashkëngjitur, apo duke plotësuar atë në faqen zyrtare të panairit në ueb: panairi.aab-edu.net
Panairi Vjeshtor i Librit AAB 2019, është garancë e një ngjarje të rëndësishme kulturore, pjesë e një institucioni që në vazhdimësi i ka sjellë Kosovës festivale e ngjarje të rëndësishme kulturore ekskluzive, të organizuara shkëlqyeshëm.
Mos mungoni në Panairin Vjeshtor.
Takohemi te librat në AAB!
Për më shumë, kontaktoni: [email protected], ose, +383 (0) 45100757″, thuhet në njoftimin e Kolegjit AAB./Gazeta Mejdani/
Discussion about this post