Këshilltari i Ministrit Lekaj paralajmëron Muhaxherin: Mos i prek tokat tona ku i kemi të varrosur për shekuj të parët tanë!

Kryetari i Komunës së Pejës, Gazmend Muhaxheri ka vendosur që t’i demolojë stanet e shqiptarëve në bjeshkët e Irzniqit. Kjo ka shkaktuar pakënaqësi dhe pezëm të madh tek qytetarët e asaj pjese të Kosovës, shkruan Gazeta Mejdani.

Pakënaqësitë e banorëve sa shkojnë e rriten. Ata nuk po pajtohen që tokat ku i kanë të varrosur të parët e tyre të uzurpohen nga askush.

Këshilltari i Ministrit Lekaj, Argjend Zejnaj, i reagon Gazmend Muhaxherit kryetarit të Pejës, për vendimin që të prishen Stanet në bjeshkët e Irzniqit.

Zejnaj në një shkrim të tij në Facebook ka thënë se të prekësh tokën e huaj është sikur të prekësh gjarprin në bisht.

Më poshtë gjeni shkrimin e Zejnaj të plotë në llogarinë e tij në Facebook:

Të prekësh tokën e huaj është sikur te prekësh gjarprin në bisht, ose si me fut dorën në shtëpinë e grerëzave.

Toka, uji, jeta janë të drejta të dhëna nga natyra dhe janë të patjetërsueshme.

Prandaj të paralajmërojmë në emër të fshatit, të cilët kanë si dëshmi për tapitë, jo vetëm letrat por edhe eshtrat e të parëve, të vrarë në bjeshkën, të cilën ju z.Gazmend Muhaxheri po tentoni ta uzurponi, që të ndalësh urgjentisht demolimin e staneve të ndërtuara me mundim dhe të mbajtura edhe kundër dëshirës së regjimit të cilin ti e ke për zemër./Gazeta Mejdani/