Vetëm 18 ditë ishte qëndrimi i trajnerit Bylbyl Sokoli në krye të Prishtinës.
Vetëm një ditë para ndeshjes me Gjilanin, në një konferencë të jashtëzakonshme, “Profa” vendosi të dorëzohej, duke thënë se këtë po e bën për shkaqe shëndetësore, shkruan Indeksonline
Vendimi për të dhënë dorëheqjen ishte i papritur për të gjithë, madje edhe për drejtuesit e Prishtinës.
Megjithatë, sipas burimeve të Indeksonlinet e vërteta qëndron ndryshe.
Sokoli e ka pasur problemin në gjurin e këmbës prej disa muajsh dhe kjo nuk e ka penguar ta ushtronte detyrën te Ferizaji.
Problemet financiare të “bardhekaltrit” kanë qenë faktori kryesor që e ka shtyrë atë të jepte dorëheqjen.
Vetëm pak ditë para ndeshjes me Gjilanin, Prishtina nuk ka ekzekutuar pagat e plota për futbollistët por vetëm gjysmën, ndërkohë Sokoli ka kërkuar nga krerët e klubit që lojtarët të paguhen rregullisht, ndryshe nuk mund t’i motivoj për të arritur objektivat.
Kujtojmë që pas kësaj, Prishtina ka zgjedhur trajner Armend Dallkun, që deri vitin e kaluar ishte futbollist aktiv te ekipi kryeqytetas. /Gazeta Mejdani/
