“Përtej kësaj përveç ngarendjes së politikanëve dhe zyrtarëve të ndryshëm të shtetit, sidomos atyre qe vijnë nga i ashtuquajturi “krahu i luftës” për të shitur trimëri e patriotizëm në përvjetorët e ndryshëm, çështja e krimeve serbe në Kosovë, është tentuar të relativizohet me qëllim për shkak të krimeve individuale, shumë fish më të vogla të kryera nga individ në emër dhe uniformë të UCK-së, por edhe të vrasjeve politike të kryera në Kosovë, dhe këtu sikur kemi një ujdi në mes këtyre të fundit me Serbinë në stilin, “as ju neve , e as na juve”, dhe kjo sikur ka marrë edhe një miratim të heshtur edhe nga bashkësia ndërkombëtare”, thotë analisti politik Nexhat Haziri.
Analisti politik Nexhat Haziri i ka akuzuar rëndë krerët e shtetit të Kosovës për harresën dhe faljen e krimeve të luftës shtetit të Serbisë, sidomos ata që vijnë nga i ashtuquajturi krah i luftës, të cilët janë në pushtet për plot dy dekada, kanë filluar edhe dialogun me Serbinë, por nuk kanë bërë asnjë veprim konkret për të zbardhur krimet e luftës për ta kushtëzuar ose paditur shtetin serb, për të zbardhjen e fatit të të pagjeturve dhe kërkuar kthimin e atyre viktimave që mbahen të varrosura diku nëpër varrezat masive në serbi. E këta politikan, sipas Hairit flasin fjalë të mëdha në përvjetorët që organizohen në përkujtim të rënjes së viktimave të luftës dhe të dëshmorëve.
“Vet fakti që për 20 vite asnjë nga qeveritë tona nuk ka marrë iniciativën e padisë ndaj Serbisë për krimet e kryera ndaj popullatës civile në Kosovë ,asnjëherë shteti serb nuk është kushtuar në asnjë fazë dialogu me çështjen e krimeve të kryera në Kosovë, është tregues i qartë se kjo klasë politike, viktimat e luftës i ka përdorur për marketing të brendshëm politik dhe për populizëm, dhe jo vetëm kaq, por edhe kanë përfituar materialisht edhe në memorialët e ngritura të kujtesës qoftë për dëshmorët, qoftë për civilët e vrarë në masakra të ndryshme anekënd Kosovës, të kryera nga policia dhe ushtria serbe gjatë periudhës së luftës. Përtej kësaj përveç ngarendjes së politikanëve dhe zyrtarëve të ndryshëm të shtetit, sidomos atyre qe vijnë nga i ashtuquajturi “krahu i luftës” për të shitur trimëri e patriotizëm në përvjetorët e ndryshëm, çështja e krimeve serbe në Kosovë, është tentuar të relativizohet me qëllim për shkak të krimeve individuale, shumë fish më të vogla të kryera nga individ në emër dhe uniformë të UCK-së, por edhe të vrasjeve politike të kryera në Kosovë, dhe këtu sikur kemi një ujdi në mes këtyre të fundit me Serbinë në stilin, “as ju neve , e as na juve”, dhe kjo sikur ka marrë edhe një miratim të heshtur edhe nga bashkësia ndërkombëtare. Dhe zërat që në dukje të parë mund të merren edhe si periferik siç ishte deklarata e Baton Haxhiut mbi faljen e krimeve Serbisë të bëra ndaj shqiptarëve,por në të vërtetë ky është zëri i presidentit aktual Hashim Thaçit dhe agjendës së ndjekur nga vet presidenti, dhe jo vetëm ,por nëse iu referohemi edhe dëshmive që dalin nga takime të fshehta të presidentit me palën serbe, del që çështja e faljes së krimeve të Serbisë të kryera në Kosovë kanë qenë pjesë e diskutimeve për arritjen e një marrëveshje eventuale me Serbinë”, thotë analisti politik Nexhat Haziri.
