Gazeta Mejdani që nga fillimi i ditës së sotme ka përcjellë për së afërmi ngjarjet rreth mbledhjes së LDK-së. Më në fund, kryetari i Lidhjes Demokratike të Kosovës, Lumir Abdixhiku ka bërë të ditur se kjo parti do të marr pjesë në votimin e Vjosa Osmanit si presidente, shkruan Gazeta Mejdani
Përmes një konference për media, Abdixhiku tha se këtë vendim e ka marrur Kryesia e partisë.
Tutje, Abdixhiku tha se pret nga deputetët ta respektojnë vendimin.
“Pas një diskutimi të hapur, të gjithë bashkarisht kemi marrë vendim që LDK nuk do të bëjë obstruksione në zgjedhjen e presidentit të vendit, dhe LDK të marrë pjesë në votimin për presidentin, ky është vendim i Kryesisë i votuar me shumicë absolute. Pres që secili deputet të respektojë vendimin e shumicës dhe pres që nga secili deputet të sillen si institucionalist dhe ta kapërcejnë veten dhe cfarëdo hidhërimi që mund të kenë”, tha Abdixhiku./Gazeta Mejdani/
