Ish-kryeministri i Republikës së Kosovës, njëherit lideri i AAK-së, ka reaguar përmes një postimi të bërë në rrjetin social Facebook në lidhje me Xhaminë Qendrore në Prishtinë.
Ai ka thënë se populli shqiptar është shembull i bashkëjetesës të besimeve të ndryshme.
Gjithashtu, ish-Kryeministri i Kosovës ka thënë se si popull duhet të jemi krenar për besimin në Zot.
Ky është postimi i plotë i tij:
Populli shqiptar gjithmonë ka qenë shembull i bashkëjetesës vëllazërore të besimeve të ndryshme. Asnjëherë nuk i kemi diktuar të tjerëve se si duhet të besojnë apo çfarë tempuj e faltore duhet të ndërtojnë.
Si popull duhet të jemi krenar për besimin në Zot. Të gjitha bashkësitë fetare duhet t’i shërbejnë qëllimeve tona të përbashkëta, vëllazërisë e solidaritetit mes nesh. Të bashkuar i kemi kaluar të gjitha sfidat që na solli historia. Ashtu duhet të vazhdojmë edhe më tutje
