Dustin Poirier është dukur shumë i zhgënjyer pas humbjes nga Khabib Nurmagomedov në kuadër të duelit për titullin e peshave të lehta në UFC.
Përballjet në ‘UFC 242’ u zhvilluan në Abu Dhabi të Emirateve të Bashkuara Arabe, ndërsa përballja kryesore ishte ajo ndërmjet amerikanit dhe yllit nga Dagestani, të cilën e fitoi ky i fundit në raundin e tretë.
“Mendova se do të kthehesha në Shtetet e Bashkuara si kampion i padiskutueshëm i botës, prandaj kjo dhemb shumë”.
Khabib Nurmagomedov në duelin ndaj Dustin Poirier (Foto: Francois Nel/Getty Images/Guliver)
“Unë nuk përballem vetëm sa për t’u ndeshur. Unë ndeshem për t’u bërë kampion bote. Prandaj këto mundësi nuk vijnë aq shpesh. Më duhet të shkoj në shtëpi dhe të mendoj se çfarë do të bëj në vazhdim”.
“Ai është i mirë. Është kampion bote. Ndoshta kam mundur të bëj më shumë…”, është shprehur Poirier në konferencën pas meçit.
Dustin Poirier (Foto: Screenshot/YouTube/MMAFightingonSBN)
Dustin u bë kampion i përkohshëm gjatë kohës që Nurmagomedov ishte u pezulluar për nëntë muaj, pas përfshirjes në zënkën pas duelit ndaj Conor McGregor në ‘UFC 229’.
Veç kësaj, Khabib ishte gjobitur edhe me 500.000 dollarë për shkak të daljes nga ‘Tetëkëndëshi’ dhe sulmit ndaj shokut të irlandezit, Dillon Danis.
