Dje gjatë ditës ka përfunduar numërimi i votave të zgjedhjeve të 14 shkurtit, ndërsa, sot pritet që KQZ-ja të shpallë rezultatet përfundimtare.
Kryeministri në detyrë, kandidat për kryeministër në zgjedhjet e 14 shkurtit nga LDK-ja, Avdullah Hoti është më i votuari në listën e partisë, ku ka siguruar 69 mijë e 640 vota.
Ndërkohë janë publikuar rezultatet edhe për kandidatët më të votuar nga Lista e Vjosa Osmanit e cila në zgjedhjet e 14 shkurtit garoi bashkë me Vetëvendosjen.
Sipas një liste të publikuar, del se më e votuara është Vjosa Osmani me 300 mijë vota, por numër të madh të votave ka marrë edhe Donika Gërvalla me 71 mijë e 700 vota.
Nga ky rezultat vërehet se Donika Gërvalla nga lista e Osmanit ka marrë vota më shumë se Avdullah Hoti i cili ishte kandidat i LDK-së për kryeministër.
