Ministri në detyrë i Shëndetësisë (MSh), Uran Ismaili, së bashku me ambasadoren e Luksemburgut në Kosovë, Natacha Gomes, kane përuruan CT-në 128 shtresore në Spitalin e Përgjithshëm të Gjilanit, e cila është e para në institucionet publike shëndetësore në Kosovë.
CT-ja 128 shtresore në vlerë prej 400 mijë euro është donacion i Qeverisë së Luksemburgut, që përmes programit përkrahës për shëndetësi në Kosovë tani e disa vjet i ka dhënë ndihmë të madhe reformave dhe avancimit të shërbimeve shëndetësore.
Ismaili ka uruar profesionistët shëndetësorë të Spitalit të Përgjithshëm të Gjilanit për këtë pajisjet e reja, duke thënë se kjo është në vazhdën e modernizimit të sistemit shëndetësor në Kosovë.
Ai ka falënderuar edhe Qeverinë e Luksemburgut për mbështetjen e vazhdueshme për shëndetësinë kosovare.
“Falënderim i veçantë për qeverinë e Luksemburgut për ndihmën që na ka ofruar dhe kjo ndihmë nuk la ndodh vetëm sot , por Luksemburgu me dekada jep ndihmë për Kosovën”.
“Kemi një pajisje e cila është më modernia në Kosovë e cila ngrit shërbimet tona që nuk kemi pas ndonjëherë këtu në Kosovë dhe gjitha këto vijnë për qytetarët që ata të mos presin me javë dhe kjo tregon që modernizimi i spitaleve tona ndihmon qytetarët tanë të mos shpenzojnë para”.
Ambasadorja, Natacha Gomes, tha se Luksemburgu e ka përkrahë Kosovën tash e 20 vjet dhe kjo pajisje dëgjova se është më e avancuara në Kosovë.
Drejtori i SHSKUK-së, Basri Sejdiu, tha se përfituesit më të mëdhenj do të jenë pacientët.
“Një falënderim i madh për qeverinë e Luksemburgut dhe përfituesit më të mëdhenj janë këtu pacientët dhe një prej hallkave më të rëndësishme është kjo CT dhe do të ngritet niveli profesional të trajtimit të pacientëve”.
Nistret Hajrullahu, Drejtori i Spitalit të Përgjithshëm të Gjilanit, tha se ky është aparati i parë në këtë spital, raporton EO.
“Është donacion i Luksemburgut dhe ky donacion do të na ndihmon qe me i shërbyer pacientëve në kohën e duhur dhe gjithçka këtu është rinovuar dhe në financim ka marr pjesë edhe SHSKUK dhe komplet kabineti i CT është kompletuar dhe është prej teknologjive më të reja dhe është aparati i parë në spital”.
100 mijë euro shtesë janë ndarë edhe për pajisje të tjera për këtë spital, ultrazëra dhe Holltera për Repartin e Kardiologjisë, Neurologjisë dhe Pulmologjisë./Gazeta Mejdani/
