(Në këto kohë të pazakonta, kur po përballemi me Pandeminë COVID-19, në pamundësi të homazheve të përvitshme, e rikujtojmë këtë Luftë dhe sakrificë me këtë shkrim si më poshtë)
Shkruan: Dr. Bahri M. Gashi
(Mobilizimi gjithëkombëtar, Stafi komandues – struktura ushtarake, fazat intenzive përgaditore, fillimi i operacionit në shkallë të gjerë, ritmet e betejës, zotërimi i pozicioneve dominante, përmasat, ndërlikueshmëria, efektet taktiko-operative, ato të ndërveprimit luftarak e të efektit superior, aspektet logjistike, e drejta humanitare në respektimin e ligjeve të luftës, e formësojnë dhe lartësojnë këtë betejë; ‘BETEJA E KOSHARES’, Heqja me Luftë e Kufirit, si lufta e parë e zhvilluar në rajonin e gjerë të Koshares si Beteja më e madhe e luftës së UÇK-së)
1.FILLIMI I OPERACIONIT LUFTARAK në Koshare duke u zhvilluar në një intenzitet të lartë të luftimeve, duke marrë pozicionet strategjike të luftës, zotërimi i pozicioneve kritike të luftës si; Kazerma Ushtarake e Koshares e njohur nga APJ si [Karaulla Koshare], Rrasa e Koshares, Zhares dhe Oplazit, Pikat dominante të lartësisë së Rasës së Zogut, Ujezëz – Gomureve, Maja e Kokës, Kërrshi i Yllit, pastaj Reparti Ushtarak Qafë Morinë; Pozicionet e ndërlikuara tek Vrojtoret, 7 Korriku, Shkoza, Shkalla e Radanit, Gusha e Botushës, Oaza e Shpella e Molliqit, Gryka e Morinës etj, tregojnë qartazi për një betejë të përmasave të një lufte të madhe, duke u ballafaquar në përballje të drejtpërdrejtë me një makineri shumë komplekse të fortifikuar të ushtrisë serbo-jugosllave, përfshi sulmet e sinkronizuara me këmbësori efektive, Komapania Tankiste e Motorizuar, Kompania “Beretat e Kuqe”, Batalioni 52 i Policisë Ushtarake, Batalioni Diverzanto Vëzhgues – Njësi të shumta elitare – paramilitare dhe mercenare; Topa goditës në distancë: “NORA”- shumë tutësh, “ORKAN” dhe “OGANJ”, sistemet kundër blindues: “MALUTKA” – “FAGOT”, helmet kimike të tipit Neuroparalitik – “VX” – “SARIN”, operacione manovruese tankiste, artileri të rëndë, aviacioni MIG 21, etj.
2. DIMENSIONET E LUFTËS SË KOSHARES; Operacionet luftarake, ritmet e betejës dhe çlirimi përfundimtarë, përbëjnë tërësinë e kësaj lufte.
Beteja e Koshares e cila në vehte ngërthente aspektin e ‘Luftës së Përparuar’, aspektin taktoko-operativ, aspektin politik, aspektin logjistik, aspektin humanitar e aspektin historik të saj, dëshmon për shumë dimensionalitetin e gjithë kësaj lufte.
3. MOTIVI PËR LUFTË; Unifikimi, plani operativ i detajuar, pozicioni startegjik i luftës, zotërimi i shpejt i pozicioneve dominante të luftës, epërsia në rezultat deri në fund të luftës së Koshares, e bëjnë këtë betejë, unike, një, të vetme dhe të pakrahasueshme me betejat tjera të UÇK-së.
4. FAZAT PËRGADITORE; për luftë taktike dhe operative, aspektet e stërvitjeve luftarake nën kushte ekstreme të mbijetimit, misionet luftarake para operacionit, misionet ushtarake gjatë operacionit, luftimet shumë intenzive dhe dinamike që zhvilloheshin përbënin sfidat e një operacioni kompleks luftarak në Koshare.
5. STAFI KOMANDUES USHTARAK; Struktura komanduese e profilizuar me eprorë profesionist të shkolluar në akademi ushtarake, në gjini të ndryshme, përkatësisht të të gjitha llojve të armëve për luftë, e dallojnë Betejën e Koshares prej çdo lloj organizimi strukturor luftarak brenda UÇK-së.
6. TENTIMET E APJ -SË USHTRISË; serbo-jugosllave për rikthim të territorit të çliruar; Komanda e e operacionit luftarak të Koshares e zotëruar me epror ushtarak, riorganizimi, i pozicioneve luftarake, makineria ushtarake, paisjet dhe mjetet për luftë, njësitet dhe trritori luftarak në 7 Km thellësi dhe 22 Km gjerësi të frontit – distancës së luftës me goditje zjarri artilerik deri në 20 Km, përbëjnë poashtu Betejën e Koshares unike në veprim, një, dhe të vetmën betejë me përmasat më të mëdha tē luftës së UÇK-së.
7. PAISJET LUFTARAKE;
Duke filluat nga (Thika, revolet, automatikët, pushkët, llojet automatike, mitrolezët, snjaperët deri në 12.7 mm, granata dore, mortaja krahu, RPG, Raketa hedhëst, Zola, Osa, Embrusi Gjerman, etj, armët artilerike të kalibrit: 60, 82,107, 120,160 dhe obusi 122mm, Armët Kundërajrore, topi kundërajror 20mm dhe TK 14.5 mm. Armët e topave padridhje 75,82 dhe topit 122mm, Njësitë mbështetëse Tankiste, Uniformat, Peleriant, gjyksoret, mataret, gazmaskat, pakot e ushqimit për mbijetim, poashtu përbëjnë një dhe të vetme Betejën e Koshares të pakrahasuar të zhvilluar nga UÇK-ja.
8. GJITHPËRFSHIRJA KOMBËTARE DHE, TË HUJAVE; Pjesmarrja masive e luftëtarëve nga të gjitha trojet etnike, e gjithë Europa, Amerika, Kanada e Australia. Pjesëmarrja e luftëtarëve tē huaj nga Franca, Anglia, Gjermania, Turqia, Algjeria etj, poashtu e shëndrrojnë Betejën e Koshares në një nga betejat, të vetme më unike të UÇK-së
Përfundimisht, Lufta e Koshares, shënon misionin më kompleks luftarak i ndërmarrë në shkallë të gjerë, që nga dita (D) 09.Prill 1999 në Koshare, është lufta më e madhe e zhvilluar, operacione të ndërlikuara luftarake, beteja më e përgjakshme luftarake, me 114 Dëshmorë, të gjithë [Heronjë të Kosovës], qindra të plagosur dhe mijëra luftëtarë në front, përkatësisht operacioni më i madh luftarak i UÇK-së, i realizuar fillimisht nga GO-III, përkatësisht Brigada 138 “AGIM RAMADANI”- Zona Operative e Dukagjinit.
07.Prill.2020, Prishtinë
#Referencë: https://sq.m.wikipedia.org/wi…/Kosharja_altari_i_liris%C3%AB
#Prezantim akademik: https://fdocument.pub/…/prezantim-g-hotel-lufta-e-koshares.…
