Ramush Haradinaj është zgjedhur kryeministër i Kosovës më 9 shtator 2017. Megjithëse ka pasur vetëm dy ministri brenda koaliconit, ai kishte zgjedhur Ministrinë e FSK-së në atë kohë me qëllimin që ta kthente në Ministri të Mbrojtjes dhe ta themelonte ushtrinë.
Kosova sot ka Ministrinë e Mbrojtjes dhe Forca e Sigurisë së Kosovës ka mandat ushtarak dhe mbrojtës.
“Rreshti është fjala dhe veprimi i parë që ushtari mëson kur hyn në ushtri. Tani po hyjmë në rreshtin tonë. Po hyjmë në rreshtin e ushtrive të paqes në botë”.
Ramush Haradinaj, 14 dhjetor 2018
Kosova, sot, e ka ushtrinë dhe Ministrinë e Mbrojtjes. Më 13 shtator 2018, Qeveria e Kosovës ka miratuar draft-ligjet dhe më 14 dhjetor 2018 Kuvendi i Kosovës ka miratuar ligjet përfundimisht.
Emri nuk ka ndryshuar, ka mbetur i njëjti: FSK. Gjithçka tjetër po. Ka ndryshuar mandati dhe misioni, numri i personelit, kapacitetet dhe autorizimet.
Me krijimin e ushtrisë, Kosova ka kompeltuar infrastrukturën e sigurisë shtetërore. Ka marrë të drejtën në mbrojtje dhe ëshët vendosur në rresht me shtetet demokratike të botës, të prirë nga SHBA.
Ja disa prej ndryshimeve themelore që kanë ndodhur:
- Mandati ka ndryshuar dhe tash përfshin edhe mandatin për mbrojtjen e sovranitetin dhe integritetit territorial;
- Është themeluar Shtabi i Përgjithshëm i FSK-së;
- Janë larguar të gjitha kufizimet e mëparshme në pajisje dhe sisteme të armatimit dhe tashmë gjithçka zhvillohet sipas Planit 10 vjeçar në këtë aspekt;
- Janë themelluar katër komandat, duke përfshirë për herë të parë edhe Gardën Kombëtare;
- Dyfishohet numri i personelit aktiv nga 2500 në 5000;
- Numri i personelit rezervë rritet nga 800 në 3000, pra pothuajse katërfishohet;
- Kemi kaluar nën menaxhim të FSK-së edhe Aeroportin e Gjakovës – në përgatitje për forcën ajrore dhe për kontribut për NATO;
- Ndryshon doktrina e trajnimit dhe edukimit të oficerëve të ushtrisë sonë, në bazë të misionit të ri.
Përkushtimi i Ramush Haradinajt, si kryeministër i Kosovës, filloi të respektohej gjerësisht nga komuniteti ndërkombëtar, sidomos nga partnerët strategjik.
Më 28 shtator 2018, kryeministri Haradinaj u prit në Pentagon nga Sekretari i Mbrojtjes, Gjenerali James Mattis. “Kosova e ka bekimin për Ushtrinë e Kosovës”, deklaroi Haradinaj pak ditë pas takimit me numrin një të mbrojtjes së SHBA-së në atë kohë.
Për herë të parë në histori, Kosova arriti të themelojë Ushtrinë e saj me mandat kushtetues e ligjor, të njohur dhe mbështetur partnerët ndërkombëtarë. Një ditë para votimit në Parlament, ambasadori amerikan në Kosovë, Philip Kosnett, pati thënë se SHBA do të mbështes zhvillimin dhe evolucionin organizativ të FSK’së.
“Votimi i nesërm për transicionin e FSK-së është historik për Kosovën”, pati shkruar ambasadori Kosnett në rrjetin social Twitter.
Discussion about this post