Gjatë ditës së djeshme është publikuar një dokument ‘non-paper’ nga ‘Koha Ditore’, ku flet për një plan të projektuar nga dy shtete të BE’së, Gjermanisë dhe Francës, lidhur me marrëveshjen finale në mes të Kosovës dhe Serbisë.
Por i menjëhershëm ka qenë reagimi i ambasadorit gjerman i cili ka thënë se nuk ka asgjë të vërtetë dhe si të tillë e ka cilësuar si ‘fake news’
Ambasadori, Jörn Rohde, ka reaguar përmes Twitterit, duke thënë se ‘non paper’ francezo-gjermane i publikuar nga Koha Ditore është lajm i rremë, ose siç quhet ndryshe ‘fake news’.
Ai ka thënë se një dokument i tillë nuk mund të jetë francezo-gjerman. Ndërsa ka shtuar tutje e përkrahin plotësisht dialogun e udhëhequr nga BE’ja dhe Miroslav Lajcak.
“E ashtuquajtura “non paper” francezo-gjermane e publikuar nga Koha Ditore është lajm i rremë. Mund të ketë dokument, por sigurisht që nuk është francezo-gjerman. Ne e përkrahim plotësisht dialogun e udhëhequr nga BE-ja dhe Miroslav Lajcak, sic e theksoi përsëri ministri i Jashtëm i Gjermanisë, Maas, të enjten e kaluar në Prishtinë”, ka shkruar Rohde në Twitter.
