Ish-kandidati për kryetar të Iniciativës Qytetare “Green për Drenas”, Xhavit Drenori është sulmuar fizikisht gjatë ditës së sotme.
Në një prononcim për “Indeksonline”, ai theksoi se është sulmuar nga djali i prokurorit Ibrahim Berisha.
“Isha i paralajmëruar përmes telefonit para disa ditësh ndërsa sot afër zyrës sime më kishte pritur dhe ndodhi gjithçka”, shprehet Drenori.
Më tej, ai theksoi se arsyeja ishte se i dyshuari e sulmoi me preteksin se po i përmend familjarët në emisione televizive.
“… tha që po e përmend emrin e babës në debate televizive”, u shprehu ai.
Kujtjomë se ish-kandidati për kryetar të Drenasit, Xhavit Drenori e kishte përmendur emrin e prokurorit të Themelores në Prishtinë, si pengesë për t’u hetuar pretendimet ndaj kryetarit aktual Ramiz Lladrovci për keqpërdorime në Drenas.
