Presidenti i Serbisë, Aleksander Vuçiq, ka thënë se kanë filluar të shtrohen temat më të vështira në dialog. Ai ka thënë se bisedimet nuk janë asnjëherë të lehta, ndërsa ka paralajmëruar se më 17 shtator do të ketë një takim të radhës në nivel ekspertësh dhe më 28 shtator sërish në Bruksel do të ketë takim në nivel të lartë.
Vuçiq ka shtuar se sot janë pajtuar për çështjen e personave të zhdukur, atyre të zhvendosur dhe po ashtu për çështjet ekonomike. Po ashtu ka treguar se janë hapur dy tema tjera.
“Kemi pasur një varg raundesh të bisedimeve me Josep Borrellin dhe Miroslav Lajçakun dhe mendoj se një sesion apo dy me Avdullah Hotin. Këto bisedime kur nuk janë të lehta për ne. Kur formohet Qeveria jonë dhe të aktivizohet Kuvendi do të kemi para tyre çështjen e Kosovës”, ka thënë Vuçiq, përcjellin mediumet serbe. “Një nga temat e reja të biseduara është Asociacioni i Komunave Serbe dhe duhet të vazhdojnë shefat e ekipeve negociuese më 17 shtator, e ne do të takohemi sërish në nivel të lartë më 28 sjhtator këtu në Bruksel. Një temë tjetër janë pronat dhe kërkesat financiare që dalin nga njëra dhe pala tjetër. Po shtrohen çështjet më të vështira në tavolinë. Prishtina do të nxjerrë ligjiin për kthimin e të zhvendosurve, ky është një hap i rëndësishëm, madje po qëndrojmë të rezervuar për rezultatet në praktikë”.
Vuçiq po ashtu ka përmendur se është me rëndësi që në të ardhmen të mos vendoset asnjë taksë nga vendet, ndërsa ka shtuar se do të krijohet tregu i përbashkët i punës dhe mallrave dhe kjo do t’i kontribuojë të gjithë rajonit.
“Kjo për ne është shumë me rëndësi. Shumë njerëz e nënçmojnë, pçosaqërisht ata që jetojnë me komoditet dhe nuk ju interesojnë këto çështje, ndërsa ato janë çështje me rëndësi thelbësore për vendin tonë”.
