Veseli: Do të jemi opozitë e vërtetë kundër një kaste që veten e sheh mbi interesin e Kosovës dhe qytetareve!

Kryetari i Partisë Demokratike të Kosovës, Kadri Veseli, ka folur sot para përfaqësuesve të strukturave të PDK-së, në 20 vjetorin e themelimit të partisë, për rrugëtimin e deritashëm të PDK-së.

Veseli ka thënë  se PDK është krenare si trashëgimtarja e Ushtrisë Çlirimtare të Kosovës, e cila u soll denjësisht, transformoi veten dhe Kosovën, transmeton Telegrafi.

Ai tha se sot që PDK është lidere e opozitës dhe do të jetë gjithmonë përball sfidave për ta ruajtur dhe forcuar Republikën e Kosovës.

“Do të jemi opozitë e vërtetë kundër një kaste që veten e sheh mbi interesin e Kosovës dhe qytetareve tanë”, ka shkruar Veseli.

Fjalimi i plotë i Kadri Veselit: 

“Para 20 vjetësh, shume idealistë të lirisë, të prirë nga luftëtarë dhe intelektual të ardhur nga betejat e lavdishme, të cilëve ju bashkuan edhe shumë veprimtarë të sinqertë, nisën një tjetër projekt të madh për Kosovën – të cilin, më pas, historia do ta njohë si arritje të jashtëzakonshme.

Me histori të përpjekjeve të vështira dhe të dhimbshme, u bënë bashkë – që me të njëjtën atdhedashuri e përkushtim ta çojnë përpara kombin dhe vendin.

Sfidat e lirisë nuk ishin të lehta për Kosovën.