Kryesia e Lidhjes Demokratike të Kosovës do të mblidhet pasditen e sotme.
Sipas burimeve të lajmi.net , duke filluar nga ora 16:30 në selinë e LDK-së do të mblidhet kryesia e dorëhequr tashmë e kësaj partie.
Ndryshe pas rezultatit të zgjedhjeve të 14 shkurtit, Isa Mustafa publikisht ka dhënë dorëheqje nga drejtimi i partisë, derisa pritet që subjekti politik, Lidhja Demokratike e Kosovës shpejtë të mbajë edhe Kuvendin e partisë lidhur me zgjedhjet e brendshme.
Ende nuk dihet se kush do të emërohet Kryetar i LDK-së, pas Isa Mustafës, por që tashmë pati disa emra të cilët janë përmendur si mundësi për këtë post.
Lumir Abdixhiku, Kujtim Shala, Lutfi Haziri e disa të tjerë u përmendën si mundësi e udhëheqjes së LDK-së.
Është vetë Anton Quni i cili ka pranuar publikisht kandidimin për të parin e LDK-së, derisa mbetet të shihet se çfarë saktësisht do të ndodhë brenda kësaj partie.
LDK pati një rezultat zhgënjyes në këto zgjedhje, e Isa Mustafa deklaroi se ende s’po arrin ta kuptojë se cila ishte saktësisht arsyeja e rënies kaq të madhe të partisë në përqindjen e votave nga përkrahja e qytetarëve.
Por janë pikërisht shumë zyrtarë të tjerë politik e njohës të çështjeve politike të cilët kanë fajësuar edhe vetë Mustafën për qëndrimet e tij përgjatë qëndrimit në krye të LDK-së.
