Turqia ka siguruar 754.076.927 dollarë të ardhura nga shitja e 109.336 tonë lajthive jashtë shtetit në 4 muajt e kaluar të vitit 2020.
Sipas të dhënave të Shoqatës së Eksportuesve të Detit të Zi Lindor (DKIB), firmat e regjistruara në Trabzon kanë eksportuar gjatë kësaj periudhe 43.423 tonë lajthi duke mundësuar hyrjen e 303.588.790 dollarë në Turqi. Kështu, rrethi i Trabzonit ka realizuar 40% të eksportit të përgjithshëm turk të lajthisë.
Vlera e eksportit të realizuar nga kjo provincë në periudhën janar-prill është rritur me 9% në krahasim me të njëjtin hark kohor të vitit të kaluar.
Numri i shteteve të huaja, drejt të cilave Trabzoni ka eksportuar lajthi në 4 muajt e shkuar të 2020-s, ka arritur në 51 duke shënuar një rritje me 5%.
Italia zë vendin e parë me 98.766.316 dollarë eksporte lajthie nga kjo provincë turke. Ajo ndiqet nga Gjermania me 57.120.968, Franca me 28.393.173, Kanadaja me 16.134.170 dhe Polonia me 16.059.753 milionë dollarë.
Gjatë harkut kohor në fjalë janë eksportuar lajthi me vlerë 229.898 dollarë gjithashtu drejt Malit të Zi, Letonisë, Indonezisë, Azerbajxhanit dhe Emirateve të Bashkuara Arabe, vende këto që mungonin në listën e 2019-s.
