Ministria e Arsimit në Turqi, menjëherë pas ndërprerjes së arsimit në kuadër të masave të marrë kundër koronavirusit, me 3 kanale të reja të televizionit dhe Rrjetit të Informacionit dhe Arsimit (EBA) filloi arsim në distancë për 18 milionë nxënës!
Turqia, u bë vendi i dytë pas Kinës që nisi arsim në distancë në nivel kombëtar për miliona nxënës, pasi pandemia e koronavirusit të ri (COVID-19) privoi nga arsimi konvencional mbi 1,5 miliard nxënës në 184 shtete.
Sipas informacioneve të cilat Anadolu Agency (AA) ka përpiluar nga burime të ndryshme, pandemia e koroanvirusit, shkaktoi ndërprerje në arsimin e nxënësve të 184 vendeve.
Numri i përgjithshëm i nxënësve ku është përhap virusi është 1,5 miliard, ose 87 për qind e numrit të përgjithshëm të nxënësve.
Hulumtimet që janë bërë tregojnë se në vendet ku janë mbyllur shkollat për shkak të pandemisë, nuk kanë themeluar një sistem të arsimit në distancë, të ngjashëm me atë të Turqisë që është në nivel kombëtar.
Ministria e Arsimit në Turqi, menjëherë pas ndërprerjes së arsimit në kuadër të masave të marrë kundër koronavirusit, me 3 kanale të reja të televizionit dhe Rrjetit të Informacionit dhe Arsimit (EBA) me kapacitet të përforcuar, filloi arsim në distancë për mbi 18 milionë nxënës.
Arsimi në distancë nga televizionet e TRT-së filloi më 23 mars, ndërsa më pas me rekomandimin e Këshillit Shkencor u vendos që ky sistem të vazhdojë deri më 30 prill.
Në kanalet e televizionit të hapur ndaras për shkollë fillore, të mesme të ulët dhe të mesme të lartë, në nivel prej 12 klasa jepen nga 20-25 minuta mësime, të cilat vazhdojnë deri në orët e mbrëmjes.
Ndërkaq, në platformën më të madhe dixhitale në botë për arsim, EBA, nxënësve u mundësohet mbi 1600 mësime dhe mbi 20.000 përmbajtje interaktive.
Nxënësve u rekomandohet që mësimet t’i ndjekin përmes TRT EBA TV, ndërsa përsëritje, mungesat dhe pyetjet që i kanë u rekomandohet të përdorin platformën EBA.
Ndërkohë, 3 operatorë më të mëdha celularë në Turqi, për qasje në EBA, e cila nëpërmjet internetit mundëson qasje në të gjitha mësimet, siguron internet papagesë deri në 8 GB.
– Nxënësi dhe mësuesi do të takohen në “klasa të drejtëpërdrejta”
Nga ana tjetër, ministria në këtë periudhë filloi të testojë sistemin “klasa të drejtëpërdrejta” në të cilën nxënësve të klasave 8 deri 12 do t’u mundësohet në mënyrë interaktive të marrin arsim nga mësuesi i tyre.
Në këtë proces pritet të kyçen afër 3 milionë nxënës. Me këtë sistem mësuesi do të mund të dërgojë teste si dhe detyra nxënësve nëpërmjet platformës EBA.
Për shkak të kërkesës së madhe si pasojë e përdorimit të madh nga nxënësit gjatë periudhës së arsimit në distancë, është themeluar edhe Qendra e Kontrollit të EBA.
Ministria gjithashtu ka integruar edhe mësimet e artit, sportit dhe shkencës në këtë platformë. Ministria përgatiti 40 video eksperimentesh, të cilat fëmijët bashkë me familjet e tyre do të mund të bëjnë në shtëpi.
Nga ministria gjithashtu është duke u përgatitur programe speciale për nxënësit e klasave të 8 dhe 12, me arsye të përgatitjes së tyre në universitet. Në këtë drejtim do të ketë programe ku ata do të mund të marrin pjesë në orë të pyetje dhe zgjidhjeve.
Ndërsa, pasi të përfundojë ndërprerja në arsim, do të fillojnë mësime të përshpejtuara për kompensim. Në këtë kuadër do të mund të organizohen mësime edhe gjatë fundjavës dhe në verë, për të mundur të arritur në synimin e fund vitit shkollor.
Ministri turk i Arsimit, Ziya Selçuk, më parë kishte njoftuar se një shembull tjetër i kësaj përmase si në Turqi është vërejtur vetëm në Kinë.
Në Kinë, shkurt kohë pas pandemisë së koronavirusit, u lançua mundësia e arsimit në distancë në nivel kombëtar.
Në disa vende tjera gjithashtu ka përpjekje të arsimit në distancë, por se nuk janë në nivel kombëtar por lokal.
