Përderisa ushtria turke po përparon në territorin e Sirisë dhe po merr një nga një fshatra e qytete, shumë shtete në botë po komentonnë[ sipas këndvështrimeve dhe interesave të tyre, shkruan Gazeta Mejdani.
Kështu, sot, është deklaruar edhe presidenti i SHBA-ve, Donald Trump.
Operacioni “Burimi i Paqes” të cilin Turqia e filloi në veri të Sirisë javën e kaluar është çështje midis Turqisë dhe Sirisë dhe nuk është “problemi im”, tha presidenti i SHBA-së Donald Trump, raporton AA.
“Nëse Turqia ka hyrë në Siri, kjo është midis Turqisë dhe Sirisë. Nuk është problemi im”, u tha Trump gazetarëve në Shtëpinë e Bardhë gjatë një takimi me presidentin italian Sergio Mattarella.
Duke iu referuar elementeve të YPG/PKK-së në Siri, Trump tha se ata “nuk janë engjëj”.
Më 9 tetor, Turqia nisi operacionin “Burimi i Paqes” në lindje të lumit Eufrat në veri të Sirisë për të siguruar kufijtë e saj duke eleminuar elementet terroriste dhe për të garantuar kthimin e sigurt të refugjatëve sirianë dhe integritetin territorial të Sirisë.
Ankaraja synon ta pastrojë rajonin në lindje të lumit Eufrat nga terroristët e PKK-së dhe dega e saj siriane, PYD/YPG.
Në fushatën e saj terroriste më shumë se 30-vjeçare kundër Turqisë, PKK, e listuar si organizatë terroriste nga Turqia, SHBA dhe Bashkimi Evropian, është përgjegjëse për vdekjen e rreth 40.000 njerëzve, përfshirë shumë gra dhe fëmijë./Gazeta Mejdani/
Discussion about this post