Dr. Mostafa Haxh Jusuf, drejtor i Agjencisë së Mbrojtjes Civile Siriane në Idlib (Helmetat e Bardha), bëri të ditur se sulmi ndaj fshatit Hass la edhe 20 persona të plagosur, transmeton Gazeta Mejdani.
Sulmet ajrore ruse goditën zonat e banuara në qytetet Idlib dhe Latakia në veriperëndim të Sirisë, sipas burimeve të opozitës siriane.
“Të premten, sulmet ajrore të regjimit të Assadit u morën jetën dy civilëve dhe plagosën 23 të tjerë në Zonën e Çtensionimit në Idlib”, theksoi Jusuf gjithashtu.
Turqia dhe Rusia ranë dakord në shtatorin e kaluar për ta kthyer Idlibin në një zonë çtensionimi, ku aktet e agresionit janë të ndaluara shprehimisht.
Regjimi sirian dhe aleatët e tij, megjithatë, kanë shkelur vazhdimisht kushtet e armëpushimit duke nisur sulme të shpeshta brenda Zonës së ç’tensionimit.
Zona e ç’tensionimit në Idlib është aktualisht e banuar nga rreth 4 milionë civilë, përfshi këtu qindra-mijëra të zhvendosur nga forcat e regjimit prej qyteteve dhe vendbanimeve në të gjithë vendin e lodhur nga lufta e viteve të fundit.
Siria është përfshirë në një luftë civile të egër që nga fillimi i vitit 2011, kur regjimi i Bashar al-Assadit ndërhyri papritmas mizorisht për t’u dhënë fund protestave prodemokratike.
Që atëherë, qindra-mijëra njerëz janë vrarë dhe më shumë se 10 milionë të tjerë janë shpërngulur, sipas zyrtarëve të Organizatës së Kombeve të Bashkuara./Gazeta Mejdani/
Discussion about this post