Humbja e betejës për Taksën 100%, Kosovës nuk i solli asnjë të mirë. Përkundrazi, Kosova mbeti pas asgjë në duar që të ulet si faktor në tryezën e bisedimeve me Serbinë, shkruan Gazeta Mejdani.
Duke qenë se edhe më parë ishte i zëshëm në lidhje me Takësn 100% dhe shkruante vazhdimisht se ajo nuk duhet të hiqet, Dr. Mustafa Bajrami sot ka reguar ashpër në një shkrim të tij. Ai ka thënë se Kosova asgjë nuk ka fituar nga humbja e taksës.
Për më tepër, siç thotë ai, vendi jonë ka mbetur pa njërin prej aseteve të fuqishme që më parë e kishte në dorë. Taksa qind për qind është simboli i pjekurisë dhe burrnisë shtetërore të Kosovës!
Dr. Bajrami u ka bërë thirrje ekonomistëve dhe analistëve të Kosovës që ishin kundër Taksës, që të dalin dhe t’i tregojnë qytetarëve çka fitoi kosova nga humbja e asaj takse.
“Ekonomistat e vendit i kanë shtie “veshtë n’lesh” e s’po dalin me na tregue për sa përqind u fuqizue ekonomia e Kosovës pas heqjes së Taksës dhe sa fituam ne qytetarët e Kosovës”, ka thënë Dr. Bajrami.
Në ndër kohë, ai i ka bërë me dije qytetarët e vendit se që nga fillimi ka mbrojtur Takësn 100% ku e kishte quajtur “Aset shumë i rëndësishëm dhe simbol i pjekurisë dhe burrnisë shtetërore të Kosovës”.
Ky është teksti i një shkrimi të tij të mëhershëm në lidhje me Taksën 100%:
Taksa; simboli i burrnisë shtetërore i Kosovës!
Se deri ku mund të shkojë militantizmi partiak i verbër dhe i budallakaftë i shqiptarit, tregon më së miri qasja e disa shqiptarëve ndaj Taksës.
Dëgjoni ju që e shikoni Kosovën nëpërmes llupës tuaj partiake dhe të interesave tuaja personale: Taksa, menjëherë pas luftës frontale të UÇKsë, simbolizon qëndresën shqiptare më të fuqishme karshi Serbisë dhe, në të njëjtën kohë është goditja më e madhe që i dhanë shqiptarët Serbisë, në 100 vjetët e fundit.
E kam thënë edhe më parë; Shqiptarët asnjëherë s’kanë mund të ballafaqohen me Serbinë dhe ta mundin atë në këto përmasa sa arritën pikërisht nëpërmes Taksës.
Taksa e detyroi Serbinë ta ndjejë veten se është vetëm kaq e fuqishme para Kosovës dhe kundër shqiptarëve. Taksa është simbol i fitores dhe qëndresës shqiptare. Ajo është më shumë se sa vetëm një ndalesë ndaj Serbisë të na i merr gjysmë miliard euro në vit dhe të na luftojë me paratë tona.
Më shumë se Taksa, vetëm një ushtri e fuqishme e Kosovës mund ta detyrojë Serbinë të mendojë dy herë para se të merr ndonjë hap apo vendim kundër shqiptarëve. E pikërisht për këtë arsye edhe e kam quajtur taksën, burrni shtetërore e Kosovës.
Taksa, pra, duhet të mbrohet me çdo kusht, deri në momentin kur ajo t’i sjell frytet e nevojshme dhe të dëshiruara për ne shqiptarët.
Në të kundërtën, anulimi i taksës do të jetë i gabueshëm po aq sa është qëndrim muhalife dhe amaterizëm qesharak i disa pseudo-njohësve të ekonomisë dhe politikës, teksa po dalin para nesh e para opinionit mbarë duke folur neveritshëm kundër Taksës…!
Më poshtë gjeni shkrimin e tij të sotshëm në llogarinë e tij në Facebook:
Ekonomistat e vendit i kanë shtie “veshtë n’lesh” e s’po dalin me na tregue për sa përqind u fuqizue ekonomia e Kosovës pas heqjes së Taksës dhe sa fituam ne qytetarët e Kosovës. Gjithashtu, në lesh i kanë shtie veshtë edhe dofarë analista që s’po na tregojnë se çka fitoi Kosova në rrafshin politik, diplomatik, strategjik me heqjen e taksës e që u patën que peshë ja me hjek, ja siç thonin e mashtronin ata, shkoi Kosova.
A unë këndej që s’marrsha vesh as kah ekonomia e as kah politika(!!), e pata quajtur Taksën aset nacional dhe “Simbol i pjekurisë dhe burrnisë shtetërore të Kosovës”, e pata shkruar rradhazi se shqiptarët me Taksën në dorë për herë të parë në këto 100 vjetët e fundit po kanë mundësi me i ndejtë Serbisë në ballë sy me sy e shtet me shtet, pata hangër sharje, shpifje e intriga se përse po e mbështes Ramush Haradinajn. Të cilin në fakt, për këtë rast e për nja tri-katër raste tjera e pata mbështetur me mish e me shpirt e deri në palcë.
Me hesap ata e kishin pas me Ramushin andaj sju hante palla për Kosovën, ndërsa unë e kisha dertin e Kosovës andaj e mbështetja atëbotë Ramushin.
O Zot, çfarë dallimi…?!
Po presim përgjigje prej njOhësve të çAshtjes me hjekë leshin prej veshi e me na tregue çka fituam që e hjekëm Taksën…?!/Gazeta Mejdani/
