Në një njoftim të vonë, mbrëmë nga Presidenca e Kosovës, treguan se presidenti Hashim Thaçi, do të takojë sot të gjithë liderët politik, shkruan Gazeta Insajderi.
E në agjendën e tij, kryeministri Kurti, nuk e ka planifikuar një takim të tillë. Pavarësisht kësaj, presidenti Thaçi, i ka lënë vetëm 45 minuta, hapësirë takimit me Kurti, ndonëse janë 15 minuta më shumë se me Haradinajn. Nga të gjithë liderët vendor që u ka lënë hapësirë nga një orë për takim, Thaçi i ka lënë vetëm 30 minuta kohë takimit me të parin e AAK-së, ndërsa 45 minuta me kryeministrin dhe të parin e VV-së Albin Kurtin.
Nuk dihet ende se a do të ketë takim Thaçi-Kurti, mirëpo ajo çka është bërë e ditur në njoftimin e presidencës është se takimet vijnë me qëllim të informimit, konsultimit dhe koordinimit për çështjet e interesit shtetëror.
“Presidenti i Republikës së Kosovës, Hashim Thaçi, për nesër (9 mars 2020) pret në takime: Z. Albin Kurti, Kryeministër i Republikës së Kosovës dhe Kryetar i LVV-së; Ora e takimit: 13:00; Z. Isa Mustafa, Ish-kryeministër dhe Kryetar i LDK-së; Ora e takimit: 10:30; Z. Kadri Veseli, Ish-kryetar i Kuvendit të Kosovës dhe Kryetar i PDK-së; Ora e takimit: 11:30; Z. Ramush Haradinaj, Ish-kryeministër dhe Kryetar i AAK-së; Ora e takimit: 12:30; Z. Fatmir Limaj, Ish-zëvendëskryeministër dhe Kryetar i NISMA-s; Ora e takimit: 13:45; Z. Behgjet Pacolli, Ish-zëvendëskryeministër dhe Kryetar i AKR-së; Ora e takimit: 14:15; Vendi i takimeve: Kabineti i Presidentit”, thuhej në njoftimin për media./ Insajderi.co
