Të gjithë flasin për mjerimin në arsim, Rinor Qehaja: Abetarja është me gabime, e le më librat tjerë!

Eksperti i arsimit, Rinor Qehaja, ka thënë se Ministria e Arsimit vetëm ka maltretuar nxënësit 15 vjeçar me teste përgatitore për PISA-n.

“Ka qenë proces kamuflues. 15 vjeçarëve iu është marrë një muaj shtesë për parapërgatitje. Është hipokrizi të thuhet se është bërë diçka për përgatitjen e nxënësve. Rangimi është një humbje e të ardhmes për këta fëmijë”, ka thënë Qehaja, njofton Klan Kosova.

“Është e dhënë tjetër statistikore që tregon se fëmijët tanë se nxënësi më i mirë në Kosovë është i barabartë me mesataren e shteteve tjera. Statistikisht nuk mund të themi se studentët tanë janë më të mirë. Ky është rezultati dhe është e dhënë statistikore e besueshme. Si rezultat nuk mund të kontestohet”, ka thënë ai lidhur me rezultatet e testit PISA.

“Abetarja e klasës së parë shkronjat e shkrimit i ka me gabime. Ka probleme të tilla që janë për keqardhje. Nxënësit e kanë problem t’i lidhin shkronjat. Mësimdhënësit vlerësohen një herë në pesë vjet”.