Kryetatri i LDK-së, Lumir Abdixhiku, do të takohet sot me kandidaten për presidente Vjosa Osmani.
Ky takim është konfirmuar se do të mbahet në ora 14:00 në Kuvendin e Kosovës, njofton Klan Kosova.
Takimi mes Abdixhikut dhe Osmanit që vjen në kuadër të zhvillimeve politike në vend për të diskutuar çështjen e zgjedhjes së Presidentit të Kosovës.
Abdixhiku kishte paralajmëruar se do të takohej me Vjosa Osmanin pas takimit që kishte pasë me të dhe me kryetarin e Lëvizjes Vetëvendosjes Albin Kurti si fituesë të zgjedhjeve para konstituimit të Kuvendit dhe votimit të Qeverisë.
Ai kishte thënë se do të takohen vetëm me pretendenten për presidente Vjosa Osmani për të kuptuar pozicionin e saj karshi LDK-së dhe të gjitha partive politike.
“Jemi dakorduar që pas formimit të institucioneve të takohemi me pretendenten për kandidate për presidente [Vjosa Osmani] dhe të kuptojmë më qartë pozicionin e saj si pretendente për presidente karshi LDK-së, karshi VV-së, karshi partive opozitare dhe në veçanti karshi nismës së saj politike të paralajmëruar”.
