“Siç duket Hashim Thaçi dhe Isa Mustafa nuk duan assesi të shkojnë nga politika dhe pensionohen, pa ia futur flakën vendit dhe kallur gjithë Kosovën. Përndryshe as që ka, se si të kuptohet tendenca e rrezikshme e Hashim Thaçit, që në kooketim me Isa Mustafën, ti manipulojë partitë politike për të krijuar një koalicion të ri Qeverisës në krye me LDK-në e të tjerët, pa shpërndarje të Kuvendit dhe shkuarje në zgjedhje të reja të jashtëzakonshme, sikur që po e kërkon në vijimësi partia e parë fituese e zgjedhjeve të 6 tetorit 2019, LVV, për të matur përsëri fuqinë me besimin e elektoratit dhe votën legjitime të qytetarëve. Aventura e pa dëgjuar e Hasshim Thaçit dhe Isa Mustafës, kërcënon seriozisht jo vetëm me eskalim të situatës në vend por edhe nxitjen e trazirave masive, të cilat mund të qojnë deri te lufta civile në Kosovë”, thotë analisti politik Gani Qarri për “Kosova Sot Online”.
Analistët politik nuk e përjashtojnë fare mundësinë e rrezikut nga një skenar i mundshëm i destabilizimit të situatës së sigurisë në vend, për shkak të mungesës së dialogut të mirëfilltë politik dhe institucional, për ta zgjedhur krizën pas votimit të mocionit ndaj Qeverisë Kurti. Analisti politik Gani Qarrti thekson se një rrezik i tillë vjen si pasoje e planit të Hashim Thaçit i cili po shihet se është farë që ta arrin ti manipulon partitë politike për të krijuar një koalicion tjetër Qeverisës në krye me LDK-në dhe të tjerët, pa proces të ri zgjedhor sikur që po e kërkon partia e parë fituese e zgjedhjeve LVV, e cila kërkon vazhdimisht që të respektohet Kushtetuta, të shpërbëhet Kuvendit dhe shpallen e zgjedhjet e të reja të jashtëzakonshme për të matur përsëri fuqinë elektorale dhe besimin qytetar
Anëtari i Këshillit të Përgjithshëm të VV-së, Boiken Abazi, ka paralajmëruar protesta të shqiptarëve në Kosovë, Shqipëri, Maqedoni e diasporë, nëse Albin Kurti i shkarkuar me 2/3 e votave të deputetëve, largohet edhe nga ulësja e Kryeministrit sipas një skenari që tash po qarkullon si propozim i Thaçit dhe i pranuar nga LDK-AAK dhe NISMA . E analisti Gani Qarri thotë se nëse acarohet situata përgjegjësin e destabilizimit të rrezikshëm të situatës në vend duhet ta bartin Hashim Thaçi dhe Isa Mustafa për shkak të egos së tyre për kapje të dhunshme të pushtetit pa votën dhe legjitimitetin qytetar.
