Shkruan: Besnik Krasniqi, Koha Ditore
Nuk është SATIRË! Është FAKT i raportuar në KOHA Ditore!
ARDIAN KASTRATI, pra ky deputeti i ri që po na shërbehet me satirat e Konicës, ishte bërë JASHTËLIGJSHËM asistent në UP. Ndërkohë është avancuar në Profesor.
Disa pjesë nga shkrimi i një dekade më parë:
“Propozimi i Komisionit (recensues për përzgjedhjen e tij) bie ndesh me Statutin e UP-së, neni 185 i të cilit saktëson që, për titullin e asistentit kandidati duhet, ndër të tjera, të jetë i regjistruar në studimet e doktoratës. Mirëpo, Kastrati nuk ka të regjistruar doktoratën”.
“I njëjti kandidat nuk përmbushte kushtet ligjore as për t’u zgjedhur në kategorinë tjetër të thirrjes akademike – asistent i ri. Me nenin 186 përcaktohet se për titullin asistent i ri kandidati duhet të ketë të përfunduar me sukses studimet themelore, të ketë notën mesatare gjatë studimeve jo më pak se 8, të jetë nën moshën 28 vjeçare kur emërohet për herë të parë, ose që të jetë nën moshën 32 vjeçare kur punësohet për herë të parë nëse ka mbaruar studimet postdiplomike për master”.
“Kandidati Ardian Kastrati ka kryer Juridikun tek në 2007-n me notë mesatare 6.65, kurse ka prezantuar edhe certifikatën për përfundim të studimeve master në Universitetin e Grazit dhe në Akademinë Evropiane në Bolzano. Aktualisht ai ka 35 vjet”.
Ramush Mavriqi, i cili atëkohë ishte dekan i Filozofikut dhe që e kishte dhënë votën në Këshill të fakultetit dhe në Senat pro zgjedhjes për asistent të këtij kandidati, pati pranuar se nuk ishte vepruar drejtë:
“Nga një herë po duhet me i mshelë sytë”, pati thënë Mavriqi, kur ishte lutur t’i tregonte arsyet që e kishin shtyrë për të votuar për një kandidat që nuk plotëson kriteret për të qenë asistent.
