Policia e Kosovës që nga mbrëmë ka nisur një aksion arrestimi ndaj hetuesve policorë të cilët dyshohen se janë pjesë e një grupi që kanë nisur hetime ndaj bizneseve nga të cilat kanë kërkuar shuma të mëdha parash për tua mbyllur hetimet.
Arben Mustafa, kryeinspektor në Ministrinë e Punëve të Brendshme është arrestuar sot, si i dyshuar për përfshirje në grupin e hetuesve policorë që dyshohen se u kanë vënë haraç bizneseve, aksioni ndaj të cilëve ka nisur mbrëmë.
Fillimisht në flagrancë u kap Lavdim Osmanit, udhëheqës i Krimeve Ekonomike në Prishtinë. Policia e arrestoi atë deri ishte duke marrë shumën prej mbi 1 mijë euro nga një qytetarë, i cili po ashtu u arrestua.
Osmani është tezak i Bashkim Spahiut, drejtor i Krimeve Ekonomike për gjithë Kosovën.
Koha.net raporton se si pjesë e këtij aksionit të policisë sot u arrestua edhe Arben Mustafa, kryeinspektor në Ministrinë e Punëve të Brendshme , pasi dyshohet se është i përfshirë edhe ai në këtë grup, që kanë marrë ryshfet dhe kanë keqpërdorur detyrën për të krijuar favore në disa raste që të dyshuarit i kanë pasur nën hetim. https://insajderi.com/hulumtime/administrata-ne-duar-te-krimit-si-u-pajisen-me-shtetesi-kosovare-trafikantet-turq-te-droges/
Arben Mustafa, Kryeinspektor në Inspektoratit të Agjencisë së Regjistrimit Civil ka qenë nën hetime që 3 muaj, pas dyshimeve ndaj tij.
Gazeta Insajderi ka raportuar se si ky zyrtar ka qenë i përfshirë në rastet e skandalit me lëshimin e pasaportave e nënshtetësive të personave të huja të cilët ishin të dënuar për vepra të rënda penale në vendet e tyre.
