Një veprim skandaloz ka bërë sot shefi i diplomacisë serbe, Ivica Dacic në takim me komisionarin e BE’së, Oliver Varhelyi, ku të njëjtit i ka reaguar shumë keq lidhur me çështjen e manastireve serbe, çka ka bërë edhe të largohet nga takimi.
Burime të mediumit serb, Blic bëjnë të ditur se Dacic e ka detyruar komisionarin europian që të largohet nga takimi, ku merrnin pjesë edhe Kryeministrja serbe, Ana Brnabic dhe ministrat e tjerë serbë.
Siç raportohet, Dacic i ka thënë Oliver Varhelyit se ‘ai nuk po e din ku ka ardhur’, duke i reaguar ashpër atij lidhur me Manastiret serbe që ndodhen në Kosovë.
Ai raportohet se i ka reaguar komisionarit të BE’së edhe rreth taksës 100 përqind si dhe çështjeve të tjera me rëndësi për Serbinë.
Ndërkaq, Oliver Varhelyit sipas Blic, i është përgjigjur se ai po tenton të ndihmojë në zgjidhjen e çështjeve për manastiret.
Kjo përleshje mes tyre ka bërë që të dy palët të largohen nga takimi, ndonëse ka qenë Dacic ai që pasi u përfundoi çdo gjë tha ‘se nuk ka pasur ndonjë përçarje’.
