“Siguria është detyrimi i parë i një Shteti” (Michelle Alliot-Marie)
Shkruan: Dr. Bahri M. Gashi
Kryedetyra e shtetit modern, që në thelb, është planifikimi, hartimi, miratimi dhe zbatimi i politikave të detajuara të sigurisë nacionale.
Shteti, objektivisht duhet të identifikojë shumë sakt dhe të listoj tërësinë e veprimeve, ato të kërcënimeve dhe rreziqeve të brendshme dhe të jashtme ndaj vendit, posaqërisht aspektet që ndërlidhen me mbrojtjen e qytetarëve dhe gatantimin e lirive për veprim dhe prosperitet ekonomik, pandashmërinë e integritetit të territorit dhe qëndrueshmërinë e institucioneve të shtetit.
Shteti nuk duhet të lejojë devijime drejt de-stabilitetit politik, të cënimit të mos funksionimit të institucioneve, të cilat vënë në rrezik sigurinë dhe mbrojtjen e interesave shtetërore.
Siguria Nacionale duhet të determinoj qartësinë e politikave aktive shtetërore dhe aftësinë e zotërimit të zbatimit të politikave të sigurisë nacionale dhe fuqizimin e autoriteteve të Inteligjencës.
