Asgjë s’po i lihet rastësisë para përballjes së El Clasicos mes Barcelonës dhe Real Madridit, të mërkurën në mbrëmje në Camp Nou, në kuadër të La Ligës.
Sipas një vendimi të marrë në momentet e fundit mes dy palëve, dy skuadrat do të qëndrojnë në të njëjtin hotel në orët para fillimit të ndeshjes.
Nga aty, dy skuadrat do të udhëtojnë në stadium së bashku dhe zyrtarët e ndeshjes janë udhëzuar të jenë në Camp Nou asnjë minutë më vonë sesa në 18:00 – dy orë para fillimit të ndeshjes.
Dreka në hotel
Për ta bërë ditën të duket sa më normale që të jetë e mundur, drejtorët e të dyja klubeve do të takohen për drekë.
Dreka ishte supozuar të mbahej në Camp Nou, mirëpo, pasi që të dyja skuadrat do të qëndrojë në hotelin Princesa Sofia, dreka është zhvendosur për në hotel.
Masa paraprake maksimale
Zyrtarët e sigurisë në Real Madrid do të jenë të gatshëm në çdo moment në tentimet e tyre për ta mbajtur skuadrën, trajnerët dhe drejtorët të sigurt, në rrugën drejt dhe nga Barcelona.
Kur skuadra të arrijë në aeroportin e Barcelonës, El Prat, ata do ta presin dritën e gjelbër para se ta vazhdojnë rrugën drejt hotelit. /Gazeta Mejdani/
Discussion about this post