Protestat e fundit në Francë kanë ngjallur reagime dhe analiza nga më të ndryshmet në gjithë botën. Rrallëherë ka ndodhur që protesta si këto të fundit të shkaktojnë kaq shumë reagime si nga brenda niashtu edhe jashtë France, përcjell Gazeta Mejdani.
Njohësi i marrëdhënieve ndërkombëtare, Dr. Mustafë Bajrami mendon se kjo revoltë kaq e madhe, përveç rastit të vrasjes së 17 vjeçarit me prejardhje algjeriane, atë e ka “ndihmuar” edhe kujtesa e kolonializmit të dikurshëm francez në Afrikë dhe vendet arabe të Afrikës Veriore.
Megjithatë, për ta kuptuar këtë ndërlidhje mes këtyre dy fenomeneve, duhet kuptuar arsyen e ndarjes kësisoj të Lindjes së Mesme pas shpërbërjes së Perandorisë Osmane, si dhe shkaqet e krijimit të vendeve arabe në mënyrën si janë krijuar.
Dr. Mustafë Bajrami thotë se bota arabe dhe Lindja e Mesme në përgjithësi ëdhtë copëtuar kështu në mënyrë që të eksploatohet me lehtë. Prandaj, thotë ai, ngjarjet atje ndikojnë shumë në politikat globale dhe shumë herë i orientojnë ato.
Në një video që e pa lansuar dje, ai ka thënë se Ushtria Sekrete Franceze që ka vepruar në Algjeri, shumë herë ka qenë indikatore e ngjarjeve të mëdha dhe tragjike që kanë ndodhur në atë vend arab afrikan.
Përveç tjerash, në videon e tij tregon arsyet pse Sharl De Gol zgjidhet president i Francës, kush e sjell në atë post dhe si i zhgënjen pastaj gjeneralët francez që kanë vepruar në Algjeri.
Në video mund të dëgjoni edhe informacione rreth asaj se përse Macron e akuzon Turqinë në lidhje me Algjerinë dhe humbjen e reputacionit të Francës në kontinentin e Afrikës.
Më poshtë e gjeni videon e plotë:
